無論夏天定冬天，小編都好鍾意四圍搵雪糕食，有得揀仲想帶埋自製雪糕出街食啊！奈何拎住個雪糕一行出街已經溶咗一半。而最近眾籌網站Kickstarter竟然圓咗咁多位嘅雪糕夢，推出「The Ice Cream Canteen」保溫雪糕杯，就算帶出街食都唔怕溶啦！
呢款The Ice Cream Canteen外型同保溫杯分別唔大，採用雙層真空絕緣物料製成，特別為保住溫雪糕溫度而設（你亦都可以試下放冰），而外觀就有三款，包括不銹鋼、薄荷綠及白色3款，每個杯可以放473毫升嘅雪糕，聽講個杯嘅外殼火燒都唔怕㗎！
而呢款杯可以保溫4個鍾，雪完先帶出街可以保溫約8個鍾，效果一流。The Ice Cream Canteen而家接受預訂，預計2020年3月推出。早鳥優惠就$35美元(約$274港元)一個；2個售價$65美元 (約$509港元)，正價一個就$50美元（約$392港元）暫時只限美國國內訂單，外國購入可能要等下年夏天先有！
