唔知咁多位自己友有無做開運動？相比起要朝九晚六嘅上班族，時間自由嘅自己友理應有更多時間安排係運動方面。不過唔想比錢做gym嘅你，係咪得跑步一個選擇？答案係no！小編親身試驗過，以下三種家居運動比起跑步更加消脂！
HIIT運動
HIIT即代表高強度間歇訓練，可以係最短時間內極速燃燒脂肪。25分鐘HIIT運動已經可以達消脂效果，相約於跑步1小時。HIIT運動的特點係跳動多、流汗多，可以訓練心肺功能，促進新陳代謝。
小編做後感：HIIT真係好辛苦，將體能挑戰到極限，但做完真係成個散晒同瘋狂爆汗，比跑步效果高好多。但建議從來無運動過嘅人由Cardio運動做起會好啲。
Cardio（新手救星）
適合新手做，動作強度較少，不過時間就長啲。長期做可以提升心肺功能，修腰減脂，加快新陳代謝。
小編做後感：對比起HIIT運動更易一口氣完成，容易持之以恆做落去，再慢慢升上去做HIIT。
Tabata (燃脂殺手)
Tabata係4 分鐘內，每做20 秒後運動然後休息 10 秒，而呢二十秒你一定要用埋飲奶力去做，將心跳率提升到最高先有燃脂效果，屬於高強度間歇運動。運動結束後也會因高強度運動帶來的攝氧量會令體脂肪持續燃燒。短則 1 小時，長則維持 12 小時，係燃燒體脂肪的最佳方法。
小編做後感：勝在夠快，雖然辛苦但好快做完，個人感覺如果當日太忙無時間運動就做Tabata ，多少少時間就做HIIT運動。
