唔知有無自己友同小編一樣,非常鍾情中世紀風格素材。不過要係網上搵到免費又高質嘅復古圖庫,的確唔係容易嘅事。今日小編就推介一個充滿學術風格嘅「動植物圖鑑」素材比大家,裏面有成15萬張動植物插畫,相當實用!
Biodiversity Heritage Library早係數年前陸續將 17 至 19 世紀的動、植物圖鑑上傳到 Flickr,供大眾免費下載。其館藏到而家已經累積多達 15 萬張插圖,成為全球最大的數位化生物多樣性文獻圖庫。
網站仲貼心幫大家分好類,包括哺乳類,鳥類,魚類,菇箘類,花奔類等,你可以輕易係裏面找尋想要嘅插圖。而所有插圖都可以免費下載,部分亦能夠作商業使用,記得下載前先睇清楚圖片頁面右下方版權聲明,睇清楚能否作商業用途。