相信唔少自己友一個人係屋企，真係好易空虛寂寞凍，有時都會想重溫翻童年回憶，重拾兒時嘅感動。Netflix係3月已經上架宮崎駿動畫，包括《千與千尋》，《幽靈公主》等經典神作，令你隨時都可以重溫昔日動畫！
《千與千尋》
《千與千尋》絕對係大部分人嘅童年回憶，經典情節可以話係百看不厭。故事講述千尋同父母因迷路意外走入神靈世界，千尋為拯救父母變回人類，被迫在「油屋」打工，更認識神祕少年白龍，展開奇幻可怕嘅冒險。
《幽靈公主》
於1997年夏季推出嘅經典動畫電影。故事講述蝦夷少年為咗搵出自己受詛咒的原因，毅然離開家園，介入一場人類與森林神祇兩方嘅衝突事件，尋找邪魔神產生的來源以及解除詛咒嘅方法。
《風之谷》
《風之谷》背景設定在未來，世界產業文明達致巔峰後，卻因戰爭毀於一旦。 世界被「腐海」新生態體系掩蓋，僅存人類只能生活係小面積土地上，係各種威脅下積極求存，女主角娜烏西卡係呢個受到毀滅的末世界中掙扎求存。
《借東西的小矮人》
少年翔因心臟病被帶到郊外小屋療養，偶然遇到10公分女性小矮人，小矮人經常偷偷取走人類日常用品，亦叫「借物」。被翔發現嘅小矮人亞莉亞蒂得知被偷看時相當驚恐，但隨後慢慢試著跟翔接觸，兩人更展開了一段超種族友誼。
《貓之報恩》
女高中生小春因救下貓國王子，貓國王為報恩邀請她到貓國嘅冒險故事。故事改編自柊葵漫畫，片尾曲幻化成風更被梁靜茹翻唱成國語歌曲「小手拉大手」。
《輝耀姬物語》
《輝耀姬物語》以日本古典文學《竹取物語》為藍本，歷時 8 年耗費 50 億日圓製作成動作，亦係導演高畑勳最後作品。故事講述深山老爺爺砍竹時意外發現小女嬰，女嬰長大成人後，先發現真正身份係天界公主輝耀姬。
