新開網店嘅自己友,所有嘢都要親力親為,包括設計屬於自己店嘅logo,相當令唔少人相當頭痕。而「Logo Instant」就係為咗呢類人誕生,裏面包括過千種各行業嘅 Logo 設計,媒體、金融、通訊等應有盡有,手殘新手都一樣可以設計到獨一無二嘅logo!
網站裏面嘅logo款式分為免費同收費兩種,如果想省啲嘅可以點擊「FREE LOGOS BY CATEGORY」,選擇免費素材。
點入分類後,可以睇到一系列嘅設計,睇中嘅可以下載模版,再修改成適合自己品牌 Logo。點擊「Download」下載設計原始檔,可以到壓縮檔當中拎翻AI、PSD 檔,之後就可以隨便修改使用啦!