Netflix個個月都有新劇,今個月有話題同令粉絲期待值爆棚嘅秀智同南柱赫,而片單都有好多種類,睇下有冇心水啦!
1. 春青記錄
作為朴寶劍入伍前嘅作品,各位朴太太都一定唔能錯過。除此之外,仲有以《上流寄生族》而出名嘅Jessica老師朴素丹,就咁睇呢個組合就知一定要追啦。唔止主演強勁,連客串人物都卡司強大,有徐玄振同李承俊。
2. 秘密森林2
鐘意緊張有懸疑感嘅劇,呢套一定啱你合味。卡司同樣由2位演技派曹承佑同裴斗娜出演,檢察官同警察調查權力鬥爭嘅故事,揭發上流社會嘅暗黑面。秘密森林第一季係韓國大受好評下推出第2季,承接上季緊張而不停反轉嘅劇情,真係好引人入勝。
3. 非常校護檔案
呢套係一套奇幻劇,用咗好多CG,內容都比較跳脫。由鄭裕美同南柱赫出演,鄭裕美嘅角色安恩英,從小就有一副特別嘅眼睛,睇到一啲奇怪嘅嘢,同南柱赫飾演洪仁杓展開嘅故事。係一部輕鬆嘅奇幻劇集,用嚟kill time都唔錯。
4. Do Do Sol Sol La La Sol
即將係10月7日上線嘅新劇Do Do Sol Sol La La Sol,高雅羅同李宰旭主演,家道中落嘅鋼琴家乜都冇晒,但笑顏常開。女主角嚟到一座小鎮,想喺度搵返希望、歸屬和愛情。呢套劇就咁睇預告片,應該係韓國流行嘅文青劇,即係主打溫暖同治癒感,係秋冬之間帶點暖意畀大家。
5. Start Up
由年頭講到年尾,Start Up終於喺10月17日要上線。俊男配美女嘅組合,真係令人非常期待!由裴秀智、南柱赫、金宣虎、姜漢娜四人主演,都係講點樣為夢想一直前進嘅故事。就咁睇個大綱吸引力真係差少少,但劇集嘅張力都似乎演員之間嘅火花,希望帶到啲驚喜畀我哋啦!