除咗日本,韓國都係唔少香港人熱門嘅「返家鄉」聖地,全因韓流文化影響下同超好食嘅韓國食物,真係令人食完返唔到轉頭。香港都有唔少出色韓國餐廳,唔少仲要係過江龍,想食返正宗韓國菜,以下4間肯定要試試。
1. Outdark
韓國炸雞啤酒真係絕配,想食返韓國炸雞嘅外脆內軟,一定要試下Outdark嘅炸雞,真係好高質,仲有佢嘅芝士肋骨鍋都係必試嘅菜式。Outdark本身係韓國都有好多間分間,而香港更係首次海外開分店嘅地方,店內仲鐵網畀情侶們掛情侶鎖,真係意頭十足。
地址:旺角彌敦道613號飛達商業中心2樓
電話:28920877
地址:尖沙咀厚福街8號H8 17樓
電話:27220831
2. 韓閣
韓式燒肉餐廳好多地方都有,咁食傳統韓國菜嘅地方就真係好少,韓閣就係其中一間食傳統韓國菜嘅餐廳。睇韓綜見到佢地食豬手真係口水都流埋,韓國處理豬手嘅手法同香港唔好,呢間餐廳嘅豬手真係做到入口即融嘅效果同好入味,不知不覺就食晒。另外佢嘅辣炒豬肉都好有喺韓國小食街食到嘅味道,值得一試。
地址:荃灣青山公路275號富裕樓地下G4-6號舖
電話:39568101
地址:將軍澳欣景路8號新都城中心2期1015號舖
電話:28386762
3. 辛安東元祖奶奶雞
仲記得去韓國冬天去食燉雞,熱辣辣嘅湯加上煮到好軟淋嘅雞肉,簡直係必去韓國必食餐廳,當時聽到佢嚟開店,當然要去試試佢嘅招牌辛安東元祖奶奶燉雞,超足料之外,味道都非常相似,用嚟頂頂癮一流,仲有芝士奶奶雞,鍾意芝士嘅朋友,呢個既有芝士嘅濃香同時保留燉雞嘅精華。店舖人流都多,最好去之前就打定電話book位啦!
地址:旺角白布街20號地下
電話:23320823
4. 星星
偶爾嘅機會之下,朋友介紹去呢間餐廳,成間餐廳裝修都好似韓國地道街邊嘅小食店咁,基本上韓國地道嘅小食都有,而且味道唔錯,價錢都好合理。佢嘅泡菜炒飯都芝士炸雞都係人氣menu,一碟炒飯連埋配菜同湯真係飽到你唔信,芝士炸雞即叫即整,芝士真係超足料,超級邪惡,外賣返屋企一邊睇劇食都超正(當然要趁熱啦)!
地址:佐敦文英街18號文英樓地下
電話:26872128