有購物天堂之稱嘅銅鑼灣有名式各様的大小品牌潮牌，大家平時去銅鑼灣除咗大商埸，百貨公司之外又知唔知有好多隱世小店同market呢？準備好去血拼尋找獨特隱世小店就跟住小編帶你走遍銅鑼灣，過一個充實的一天吧！
血拼之前就梗係要醫咗個肚仔先啦，帶大家去呢一間Urban Coffee Roaster，小編係一個明太子控，有咩食物有明太子都必定試一試! 私心推介呢個明太子忌廉意粉配烤烏魚籽！真係好creamy! 每一啖都有粒粒嘅明太子，好少食到咁不吝嗇地落明太子嘅意粉！加上綿滑嘅忌廉同脆脆嘅烏魚子，意粉都好彈牙，呢個組合絕配呀！
相片來源：網上圖片
另外小編都試咗呢款法式焦糖班戟，係佢哋招牌甜品，質感唔會太厚實又唔會好鬆軟！啱啱好！有三層厚嘅班戟，上面加咗吉士醬汁，有少少葡撻嘅味道，焦糖脆脆地正！
地址：Shop D, G/F, 銅鑼灣京士頓街9號
營業時間：10:30-22:00
之後就帶大家去呢個隱世高質vintage店位於香港銅鑼灣京士頓街九號2樓，一上到電梯就見到華麗嘅裝飾吸引咗小編入去！
入面有各式各樣嘅vintage 珍品，有飾物，衣物，鞋袋等等。
小編都忍唔住買咗隻美美的vintage錶，鍾意vintage 嘅朋友仔一定要嚟睇睇！
地址：香港銅鑼灣京士頓街九號2樓
營業時間：1030-22:00
最後最後，要介紹嘅就係呢個2nd.mart!
相片來源：網上圖片[email protected]
2ND 邀請了本地藝人、造型師、設計師、時裝買手、多媒體創作人等分享珍藏，集合大量二手及全新男女裝！
相片來源：網上圖片[email protected]
相片來源：網上圖片[email protected]
例如：CELINE, CHANEL, PRADA, HERMES, BOTTEGA VENETA, COMME DES GARCONS, YOHJI YAMAMOTO等等，多達 3000 件貨品! 每日都有新貨update! 鍾意時裝嘅你，可以喺呢個market搵到心頭號！小編每次嚟到都一定有嘢帶走！大家快啲係7/3之前黎買嘢啦！
地址：香港銅鑼灣羅素街8號18樓全層
營業時間：12-8
