春天同夏天交替,冇得去旅行就去離島玩下過下癮,行山影相出走去放空心靈都係好選擇,坪洲固然冇長洲、大澳咁hit,但文青們真係唔能夠錯過,因為入面充滿懷舊氣息,拎起手邊嘅相機,盡情去玩又影啦!
1. 牛皮廠秘密花園
大家都知香港以前係工廠集中地,而坪洲以前係一個工業鎮,所有好多舊香港留下嘅癢跡,而廢棄嘅牛皮廠就被當地人用藝術創作搖身一變,成為一個文青打卡點。呢個花園有各種嘅雕塑同藝術品,巷仔入面嘅房仲有當年嘅相,可好好回想有幾興旺。古董店可以尋尋寶。
地點:坪洲永安街 21 號
2. 坪洲東灣海灘
唔少日系嘅相,主體都係蔚藍嘅天空同海灘,身處香港都可以影出日系style嘅相。平時人又少,真係任你打卡,揀個靚filter就得。
3. 坪愉徑
去離島無非都想得到清靜同休息,坪愉徑就最啱放空又或者係附近冰室食得飽去行下。呢條路碼頭左側沿着海濱步一直行,直到達連接坪洲同大利島嘅長橋,天氣冇咁熱仲可以享受下涼風,喺附近嘅海灘仲可以睇到對面迪士尼,野餐都唔錯。
4. 陸日小店
一間充滿懷舊氣息嘅小間,就好似去咗日本島仔嘅雜物店一樣,陸日小店主要係有好多過往日子生活會見到嘅野,例如腳踏衣車、打字機、鐘,仲有一啲二手嘅雜貨,都係店主們係世界各地搜攞返嚟嘅懷舊物。特別留意係,佢嘅開放時間同佢嘅店名一樣,只會開星期六日,check清楚時間先好去啦!
Facebook:https://www.facebook.com/sunsatstore/
地址:坪洲永興街27號地下
5. 超記瓷器
瓷器呢個手工藝真係買少見少,店主林超同佢嘅太太就傳承咗呢一們手藝,係香港好少有嘅釉上彩瓷器廠,全人手嘅工藝係用機械冇辦法取代。想要拎走一件文青紀念品,一份親手整嘅釉上彩都係好選擇,可以參加佢哋嘅釉上彩工作坊,學習呢門手藝。
地址:坪洲永興街7號地下
電話:9193 8044