星期六日經常都有市集，好多小店都會試下擺攤賣吓手作產品。到底啲貨點擺先可以吸引人買呢？日本一間傳統點心百年老店，就教大家貨品點樣擺貨先吸引到客人，原來唔係擺得愈靚仔愈好！
日式點心老店金精軒就喺Twitter分享貨品擺法比大家知，佢哋提出人類是「會抗拒破壞美麗事物的生物」，原來商品擺得太整齊嘅話，反而唔受歡迎，仲會令人誤會啲貨無人買、無人拎起睇。
金精軒話貨品擺法要令人覺得親切，方便客人選購。同樣係18支米酒，佢哋唔會將所有米酒以3乘6整齊排好，反而係將最右邊嗰盒放喺最上層，令產品更加突出，吸引客人攞嚟買。
日本網民點睇？「感覺右邊的確比較好拿」、「特別是食品類的商品，稍微錯開的確會比較好拿。」、「那種整齊擺法要拿會有點緊張。」、「我懂，特別是稍微錯開還能營造『別人也買過』的感覺，顯得更有魅力了。」、「可以營造商品賣出的感覺呢，書店也經常用這種陳列方式。」、「右邊的確感覺『賣得比較好』，因此容易吸引更多人爭相來買吧。」
原來擺攤都係一場心理戰？各位自己友下次不妨留意吓市集啲貨點擺會吸引啲，增加賣出產品嘅機會啦！
資料來源：Twitter@kinseiken_jp
