政府$5000「電子消費券計劃」現正接受登記，8月14日截止，相信有唔少朋友都搭第一班車，已經申請完！但唔好以為申請完就可以unun 腳等收錢。前幾日有網民在Facebook 群聚開 post，話佢地收到SMS抽查「在港居住」要求是否符合。一開頭佢仲以為係為新型騙案，真係非常之有警覺性！但係原來政府確委聘了承辦商抽查登記人「在港居住」要求。但係大家收到message嘅時候都要保持警覺！
如果大家收到由德勤關黃陳方會計師行( +852 5567 3873 )發出嘅短訊嘅話就記得回覆啦 (+852 2852 1009)！因為佢哋係政府嘅承辦商，負責抽查 “在港居住” 嘅條件。
佢哋會對居民作出進一步嘅調查，睇吓佢哋係咪真係符合在港居住嘅條件。在2021年6月18日之前的連續24個月在香港的人士。
如果在上述期間內，該名人士有特定理由及原因，則仍可以登記消費券計劃，例如：
- 參加了「綜援長者廣東及福建省養老計劃」、「廣東計劃」或「福建計劃」；
- 在香港以外獲有關當局認可的學校／大學就讀；
- 參加了由勞工處推行的「工作假期計劃」；
- 因身體健康問題需要在香港以外住院；
- 其他特定原因可查閱消費券官方網站的資格準則
所以如果你哋收到訊息，都一定要提供相應嘅文件，以便作出申請。
只要收到呢個短訊嘅朋友喺限定時間內提供返相關資料嘅話，消費券都會如期發放。但係如果係限定時間交唔到資料嘅話，就有可能會影響消費券發放嘅時間。
