唔少人創業宣傳都遇到一個難題,就係同一個 post 要喺唔同平台都出一次,令多啲客群可以了解到最新狀況。Facebook, Twitter, Instagram,次次都要重覆又重覆咁登入,發文,真係人都癲。好彩之後比我發現到Buffer,一個社交媒體發文工具,真係幫我慳返唔少時間。
一鍵發文
Buffer 最大既賣點,就係可以一次過係唔同既媒體平台上發布同樣既信息,為宣傳者慳返唔少心力。只要連結左想發布既社交媒體,佢就可以一鍵幫你分享哂出去唔同既平台上,達到更佳既宣傳效果。而且仲可以排程發文,只要設定好發文時間同內容,佢就會自動幫你喺唔同平台上發文,真係既方便又快捷。
數據分析
除左發布功能外,佢重設有數據分析既功能。Buffer會收集同整理好你發文後既數據收益,例如增加左幾多關注度,新增左幾多新粉絲等。可以令你更加有效咁改善不足之處,令自己往後做得更好。
團隊合作
你可以係Buffer增設最多25位成員,去幫助你管理發文,共同用Buffer打理好唔同既社交媒體。大家可以分工合作,同時亦可以同步了解到社交媒體既人氣狀況。
Buffur係一個免費既媒體發放工具,但想享有更完善既功能既話,可能就要俾翻少少錢啦。但係可以解決到排版發布呢啲麻煩野,呢筆錢,我相信絕對係物有所值!