市面上充滿住形形式式既schedule,有平有貴,但有唔少分頁都用唔着,有時有啲突發事項又唔知記喺邊好。而子彈日記 Bullet Journal,就係完全屬於我地自己既schedule系統,每個分頁,版面都由自己設計規劃,令生活變得更加有條理。
目錄
子彈日記既目錄,係為左方便自己搵翻相關既頁數。而頁數亦係用家隨意定奪,建議可以完成筆記既大致layout後先再整目錄。
計劃
日記內將會細分成未來計劃,月計劃同日計劃。未來計劃可以記低一年內既大致目標,而月計劃就寫低每個月都必須完成既事,日計劃就係每日都要做既事,咁樣就可以完美規劃好每日既時間。
自定義項目
日記可以包含日常以外或者突發既計劃,視乎返你當時既突發目標。例如以減肥做例子,你可以係日記開一頁去設立你既減肥計劃,迫自己每日記錄低運動量同食量等,以助達成目標。
符號運用
日記可以記低未來既活動同要完成既事情,你可以運用唔同符號去提醒自己,邊啲係緊急,邊啲已經做完,又或者用唔同顏色既筆去分工,咁睇起上黎就一目了然。
而且,子彈日記又平又易買,只要出街買一本厚厚既空白薄,就可以開始製作日記,生活自此井井有條,仲唔快啲製作屬於自己既子彈日記?