依家呢個咩都追求高清既年代,求其係一個網買張jpeg分分鍾無左一個禮拜飯錢。對於設計新手黎講,要搵免費既圖片同向量圖示絕對唔容易。而今日就同大家分享下,大多數設計者都會用既素材網freepik。
Freepik呢個平台一共共收錄了100幾萬個免費素材,無論要向量、PSD定圖片,通通都有求必應!進入Freepik後,係上方的頁籤中可選擇所需的素材,而Vectors裡面就有唔同類型既向量素材。
而PSD Files裡面就係包括左俾Photoshop用既素材,例如網頁版型、按鈕、背景、圖示等。
Icons裏面有各種的圖示,而最後一項Stock photos就有好多種類既免費的圖片素材。
最重要係,下載素材完全唔會迫你註冊做會員!見到鍾意既就可以下載,而且佢會標明價錢,如果圖佢有premium字眼既就代表要錢,其他無premium既就可以無限量下載,對於簡單設計既用家黎講,freepik簡直係設計恩物!
所有向量圖都無合併到一齊,你可以隨意調色或者只揀取需要既部分用,比起jpeg圖實在方便太多。而且整個介面方便簡單,唔會強制性收費,用家都可以安心使用!
呢個freepik其實小編都幾乎日日用,佢既圖質量都真係幾好,簡簡單單已經可以做到專業海報或者網站,無經費買圖既自己友不妨一試!