想要創業既人,通常都會登記返間屬於自己既公司,而我相信唔少人都對有限公司同無限公司充滿疑問。究竟兩者分別係咩?你又應該點選擇?今日就同大家詳細講下兩者既分別。
有限公司 vs 無限公司
有限公司既股東以投資金額為為準,就算公司有咩事都只會影響投資既資產,唔會影響個人財產。而有限公司享有法律地位,公司一切受到法律保障,同其他公司合作都方便啲。
而無限公司只係用私人名義或合夥人名義合作。而股東需要負全責,發生虧損係需要拎埋個人資產出黎填補。
無限公司程序
無限公司代表股東需要負上無限責任,所有債務股東需全數負責。而公司稅率為15%。
申請無限公司,一年只需$2000登記費同$200徵費。只要帶夠錢去商業登記處搞就得。而無限公司唔洗做核數,只要每年計好賺蝕再將盤數交比稅局就得,程序相當簡單。
有限公司程序
有限公司代表以股東投資既資金為限,如果負債只需清盤就可以,無需負上更多責任。有限公司稅率為16.5%,比無限公司高少許
申請人只需帶齊文件,前往公司註冊處遞交$2,250商業登記費(一年)及$1,720註冊公司費用就可以。而有限公司必須有至少有一位董事同秘書,以及公司印,章程等雜項野都要準備好。程序會較複雜少許。
所以開公司前,謹記計劃好公司規模同未來發展方向,再考慮自己需要開邊類型既公司,未雨綢繆,先可以邁向成功。