K11 Musea為咗慶祝開幕一周年,將會係 10 月9日至11月8日期間舉辦一系列藝術展覽,為大家帶來國際級的作品。其中首次係香港展出嘅《梵高的耳朵》最為吸引!作品將會喺海濱長廊上展示,呢個由挪威同丹麥藝術家組合打造嘅作品高達九米! 以白池藍水,不銹鋼梯子同埋喺跳水台組成,真係好似成個泳池咁!
另外仲有近年超受歡迎嘅西班牙藝術家 Javier Calleja 創作嘅《沉思男孩》同《小莫瑞吉奧》。《沉思男孩》代表出佢本人平時喺工作室創作時嘅模樣。木製嘅雕像刻劃出一個男仔喺到靜坐冥想,頭頂上有幾本書,仲坐咗一隻黑貓。呢種創作方式亦都係Javier Calleja 抒發感情,自我描繪嘅一種。
而佢另一件藝術裝置《小莫瑞吉奧》嘅靈感有部分嚟自另一位著名藝術家Maurizio Cattelan。
各位藝術迷們,呢個展覽係咪好吸引呢? 大家記得把握時間去朝聖,打卡啦!