對唔少打工仔黎講,可以唔洗返工,日日喺屋企Home Office係夢寐以求既事。但事實上,home office係咪你諗咁爽呢?當中既利與弊,你又有幾了解?
好處:
時間自由運用
話明home office,時間運用相對上自由得多。只要將自己既工作時間好好分配,多出黎既時間就可以用係其他地方,多方面發展。例如上興趣班,做下運動,休息等都可以隨時做到,work life balance再也不是夢。
慳錢
係屋企做野,除左車錢之外,亦都可以慳返唔少出街食飯錢。每日早午晚都可以喺屋企搞掂,唔洗再出去捱貴飯。再加上唔洗同同事social嗰種食飯,個個月咁慳埋都唔少錢㗎。
變得獨立
自己一個喺屋企開工,無任何人管住,真係少啲自律都會拖慢工作進度。而且有問題既話都無人可以即時幫你,需要自己一手一腳解決。所以home office可以令你(迫你)更懂得分配時間,增加自律性,變得更加獨立。
壞處:
被標籤
一般社會會對home office既人抱有成見,例如成日覺得佢地留喺屋企無野做,或者好得閒,可以隨時搵佢黎攝時間。其實home office唔係唔洗做,有時做既工作分分中比一般打工仔仲要多。
社交變少
Home office基本上都係獨自工作,長期處於無同事既環境下工作,唔多唔少都會感到些少苦悶,而且更有機會令社交技巧退步,個人越變越「毒」。
所以話,凡事都有兩面,睇完以上分析既你,重有無興趣試下home office呢?