7月25日大家估唔估到係咩日子? 係「蝙蝠俠」80周年嘅大日子。為咗同「蝙蝠俠」慶祝生日，DC決定係全球每個角落都大搞慶祝活動，等粉絲可以有機會參加呢件盛事。而今次香港活動將會鎖定係The ONE搞大型互動展覽，比dc迷一齊聚集慶祝！
今次嘅活動，將於7月28日至9月22日喺尖沙咀The ONE舉行。活動展覽包括擺放雕塑藝術家Keo W.重頭鉅製8大雕塑級1:1比例「蝙蝠俠」及「羅賓」雕像，市民可以同1:1嘅「真人」蝙蝠俠影相打卡，仲可以感受下「蝙蝠俠」係自己面前出現嘅感覺！
除此之外，L3樓層仲會有過百件「蝙蝠俠」珍品同漫畫封面展覽，當中仲包括名畫復刻Limited Print Edition，非常珍貴，平時真係有錢都未必睇到！參觀完一輪，仲可以去期間限定店買精品。只要買夠指定金額，就可以以限定禮品消費禮遇潮換The ONE x「蝙蝠俠」80周年獨家禮品，包括「BATMAN Mug環保摺疊隨行杯」同「蝙蝠俠旅行戰袋」。
記得記得，最後一定要去埋「蝙蝠俠型格『俠』照館」，同限定蝙蝠俠造型自拍打卡！你仲有機會撞到越洋過黎嘅真人「蝙蝠俠」，到時記得拉佢影相，機會千載難逢啊！
