平時午餐小編最鍾意落茶記或者酒樓嗌翻盒燒味飯拎走,貪佢惹味又飽肚,單拼雙拼都滿足到我一餐嘅胃口,但燒味飯一直係高鈉、高脂肪、高卡路里嘅致肥兇手,唔同燒味飯相差嘅卡路里絕對係兩倍有多!
燒味飯高卡排行榜:
第一位:燒肉飯
成人每日需要1600至2000千卡熱量,一碟燒肉飯已經有成1000千卡,40克脂肪,鈉含量1200mg,配上大量白飯加醬汁,齋食一碟已經要跑3至4小時步先減到,真係少食為妙。
第二位:肥叉飯
一碟半肥瘦叉燒飯大概950卡,脂肪37克左右,鈉含量1300mg,充滿油香嘅肥叉確實征服左唔少食家,但為左健康着想,下次不如考慮嗌瘦叉,熱量足足少150卡!
第三位:燒鵝飯
一碟燒鵝飯大概930卡,脂肪35克,鈉含量相對無咁高,大概 870mg,假如去皮嘅話熱量將減少150至200!
第四位:白切雞飯
白切雞的鈉含量最高,一碟已經有1400mg鈉。不過脂肪只有29克,加上雞含有豐富蛋白質,比紅肉無咁易致肥,但注意蔥油唔好落太多,醬料先係致肥元兇,每湯匙有9克脂肪和86千卡熱量,白切雞飯加了一湯匙薑蓉後,脂肪含量增加9克,從脂肪所得的熱量由29%增至34%。
第五位:豉油雞飯
豉油雞飯較低卡,脂肪也較低,一碟先770卡左右,24克脂肪,飽和脂肪低達3.8克,如果嗌埋少飯絕對係健康之選!