天氣一轉涼，身邊既人一個二個又開始輪流病。打乞痴，流鼻水加埋喉嚨痛，但又唔知自己係普通傷風定感冒。兩者既治療方法同嚴重性都唔同，萬一分唔清，拖延病情引起其他併發症就可大可小。
傷風
傷風的最初症狀通常係喉嚨痛，多數會係一、兩日內消退，慢慢就開始流鼻水同鼻塞。呢個時候好應該睇醫生同休息足夠，先可以令病情好轉。再過兩野，病者會出現咳嗽既情況，不過通常傷風都好少機會會發燒。
而發病頭幾日，鼻水都係呈稀狀，到後期既時候就會變濃同深色。一般黎講，傷風通常會係一個星期內痊癒。
感冒
流行性感冒比傷風更加嚴重，而且症狀一般黎得快。例如四肢痠痛，發燒，喉嚨痛，鼻塞等症狀，通常一個星期內會慢慢消退，但不適既感覺依然會持續一兩個星期，身體需要時間慢慢復原。
而感冒係源於身體有病毒入侵，如果一直拖延病情既話，可能會導致其他併發症，後果不堪設想。所以患上感冒記得及早求醫。
不過無論係傷風定感冒，都係傳染性極高既疾病。病箘會透過空氣或分泌物傳染，例如經接吻、撫摸、共用器具如筷子、匙、叉等等。所以患病後記得戴口罩呀，免得傳染到其他人就唔好啦！
