咁多位平時有無為搵圖感到煩惱？畢竟唔少圖庫都多多限制，又要先比一堆個人資料先比下載，實在係麻煩至極。今日小編推介5個人氣高清圖庫比大家，等大家以後搵圖都唔洗咁頭痕！
之前小編都已經介紹過一次，呢個高清圖庫絕對係設計師恩物，圖片高清又超有質感，而且訂閱 Email後仲可以每10日收到10張新圖片，過程完全免費，超級方便好用！
裏面包含大量高清又高品質嘅免費相，每張相都靚到可以做wallpaper，而且可用作個人或商業用途，絕對係設計恩物。
超大型嘅免費圖庫，所有類別嘅圖片都可以係裏面搵到，不過照片大部分無咩質感，拎嚟粗用或做下簡報都唔錯。（必須登入才能下載圖片）
超過 30 萬張免費圖片任你揀，而且可用作個人或商對用途。不過當中嘅圖片偏大眾化，唔少圖片都無構圖可言，質感較弱，要花多啲時間尋找美圖。
除咗高清圖外，仲有大量海報設計template，比晒模版你自由配搭，甚至只要改改文字就可以得到超有個性嘅海報，簡單方便。（留意每張圖授權方式）
