到咗1月，Netflix 同 Disney+ 都有好多好劇好戲岀咗！等小編推介5套戲劇俾大家啦！
1. Wanda Vision (Disney+)
Marvel 影迷期待已久嘅Wanda Vision 終於公佈係1月15日上影啦！劇情講述關於紅女巫及幻視嘅婚後生活，浪漫得嚟仲有唔少搞笑情節，當然唔少得打鬥場面啦！不過有睇漫畫嘅你哋都知佢哋嘅結局都幾sad下，唔知劇集又會呈現一個咩結果俾我哋呢？
2. THE WINX SAGA (Netflix)
鐘意睇超能力嘅話可以睇埋呢套 THE WINX SAGA ，戲內Winx Saga 跟隨五位仙子去到一個魔法世界，係嗰到佢哋必須學會控制自己嘅魔法力量，從而對抗各種怪物，打鬥場面非常刺激，加上CG 特效，真係高質！1月22就有得睇啦！
3. 刻在你心底的名字 (Netflix)
台灣紅爆嘅同性戀題材電影，相信唔洗小編多講，你哋都會睇！都係講少少背景啦，電影嘅時間設定為解嚴時期，一對同性高中生互相暗戀，但喺當時絕對係禁忌，到底佢哋能唔能夠有情人終成眷屬？一齊睇下啦，包保你喊幾次啊！
4. LUPIN (Netflix)
大盗題材電影，淨係睇主解點偷嘢已經好刺激，雖然知道偷嘢係唔啱，但睇呢類睇材電影，都係覺得佢哋好型啊！1月8日上已經上咗畫啦！快啲去睇啦！
5. Sweet Home (Netflix)
韓國劇集真係越嚟越高質，Sweet Home係一個有關怪物嘅劇集，主角亦受感染而成為怪物，但主角竟然係一個有自由意志嘅怪物，到底故事會點發展呢？想知就要要追劇啦，值得一提，CG做得好真。
