為咗提供更人性化嘅用戶體驗，Google Maps預設記錄用戶嘅搜尋記錄、去過嘅地方等私人資料，背後衍生唔少私隱問題。如果大家想更妥善保障私隱，就要學吓點樣刪除Google Maps嘅定位記錄啦！
1. 首先打開Google maps，㩒一下右上角嘅帳號圖示，選擇「設定」
2. 喺「帳戶設定」分類中，㩒「地圖記錄」
3. 雖然Google Maps內置自動刪除活動記錄嘅功能，但預設關閉咗呢個功能。大家可以重新開啟自動刪除功能，設定自動刪除3個月前、18個月前、或36個月前嘅記錄
4. 大家亦可以按日期刪除活動，選項包括有過去1小時、過去1日、所有時間，或者自訂時間範圍
5. 設定刪除特定日期嘅紀錄之後，系統會同大家再次確認要刪除嘅活動記錄。確認無誤之後，系統就會將大家所選取嘅活動記錄喺帳戶中永久刪除。
資料及圖片來源：Google Maps
